عالمی بینک پاکستان میں معیشت کے مختلف شعبوں میں پائیداریت اور نمو کیلئے ماہرین کے مباحث پر مبنی رپورٹ (کل) جاری کرے گا

 عالمی بینک پاکستان میں معیشت کے مختلف شعبوں میں پائیداریت اور نمو کیلئے ماہرین کے مباحث پر مبنی رپورٹ (کل) منگل کو جاری کرے گا۔ عالمی بینک نے گذشتہ کئی ماہ کے دوران پاکستان کے روشن معاشی مستقبل کیلئے مختلف شعبوں میں اصلاحات کی تجاویز اور سفارشات کے حصول کیلئے مباحث کا سلسلہ شروع کیا ہے۔

ان مباحث میں ماہرین نے مختلف شعبوں میں کلیدی اصلاحات کیلئے تجاویز اور سفارشات مرتب کیں جن میں مالی استحکام، نجی شعبہ کی نمو، توانائی، بچوں میں سٹنٹنگ کے مسائل، تخفیف غربت، زراعت اور ماحولیاتی شعبہ جات کا احاطہ کیا گیا ہے۔ پاکستان میں عالمی بینک کے کنٹری ڈائریکٹر ناجی بن حسائن، جنوبی ایشیاء کیلئے عالمی بینک کے علاقائی و نائب صدر مارٹن ریزر اور دیگر ماہرین تقریب سے خطاب کریں گے۔